oleh : Si JABRIK
CATATAN :
WAKTU diminta ikutan nulis di blog ini, sebenarnya saya sedang asyik mengkhayal buat nulis sebuah buku berjudul : ADA JUDULNYA TAPI KAGAK ADA ISINYA. Pas mertoku ke rumah dan nanyain saya sudah dapat pekerjaan apa belum, saya jawab, orang nyang suka nulis kayak saya lebih enak kerja bikin buku. Lantas beliau bertanya, "Memang lo lagi berproses kreatif bikin buku?"
Kalau saya jawab cuma dalam khayalan, repot coooiiii. Anaknye pasti dibawa pulang lantaran tau lakinye pengangguran. Makanya, saya jawab, begitulah mertokuanda. Makanya, saya mau maksa supaya mertokuanda bikin kata sambutan. Nanti, setelah kata sambutan kelar, saya bakalan serahkan buku karya saya yang berjudul, ADA JUDULNYA TAPI KAGAK ADA ISINYA.
Eeeh. beliau percaya bro.
Berikut, kata sambutan yang dibuat oleh mertoku saya, yang lagi libur makan jengkol dan libur beli BBM karena keduanya dinilai sedang sombong banget, lantaran nyetel harga jadi naik dengan alasan disesuaikan. Padahal, harga lama, yang paling pas dan dianggap paling sesuai.
Selamat membaca.
Wassalam, Jabrik.
Eee Jabrik, loe
tuh, udeh gila beneran apa malah memang udah edan serius, sih. Gue tuh bukan
penga rang juga bukan wartawan. Sehari hari nggak pernah ngutak ngutik huruf,
nggak mungkin, dong, gue bisa bikin kata sambutan?
Emang bener,
gue, tuh mertoku lo. Tapi, jangan gitchu, dong seerrr. Jangan gue, nyang kagak
bisa nulis malah disuruh bikin kata sambutan, dong? Loe mau nyiksa gue pelan
pelan sekaligus bikin bikin ogud mokal seberat beratnye?
Bujuk buneng
deh, ape kate Mak Lampir kalo die tau gue nyang cumin tukang kembang dipaksa
bikin kata sambutan. Duuuh, jangan begitchuuu dong, seeerrr.
Kalo
penerbitnye doang nyang nuding kite kkn, gue masih bisa ngeles. Soalnye, gue kan termasuk orang nyang
suka guyon. Tapi, kalo pembaca juga nyangka ki te bedua kkn? Ape kate dunie? Padahal,
gue hobi bayar pajak tapi pegawai pajak malah hobi nilep duit pajak. Gayus
gayus nyang laen masih berkeliaran brur.
Gue dan juga rakyat nyang laen tetep hobi bayar pajak, kok.
Sumpah, ditraktir piknik ke Bali, nggak bakalan gue nolak.
Tapi, kalau duitnye terus ditilep,
kapan kite bisa sejahtera. Kapan bisa ngelunasin utang nyang jumlahnya lebih
bengkak dari gajah bengkak nyang lagi bisulan lantas diantuk serombongan tawon
?
Sekali lagi gue bilang: jangan
gitchu dong seerrr Pidato buat kasih sambutan di gedong DPR aje, gue be lon
pernah. Kasih kata sambutan di istane negara aje, gue belon pengalaman. Masa’
loe maksa gue bikin kata sambutan? Gue nawar jadi kata sambitan, lo malah
ngumpet.
Jrooot. Mentang mentang lo menantu
gue, terus kalo lagi mikir lo pake otak
nyang dibungkus sama perasaan ape pake perasaan nyang kagak pake pikiran sih?
Ape loe bilang? Lantaran Menteri Muda Urusan
Ngakak Sepanjang Zaman, nggak jadi dimunculin di ka binet? Yaa, meski gitu,
jangan lantas loe suruh gue nyang gantiin ngasih kata sambutan, dong? Gue kan cu man tukang
kembang, Jabrik.
Kalo soal kembang lo boleh kurus,
eh, kursus sama gue. Urusan jande kembang, lu juga boleh tanya gue. Sebab,
ampir tiap ari tuh pada mampir ke kios beli kembang gue. Alesannye, supaya
tetap disebut jande kembang. Kalo die beli combro, kan repot kalo malah
dipanggil jande combro
Urusan orang nyang suka ngemplang
duit rakyat, lu juga boleh tanya gue. Sebab, gini-gini, gue tuh makin rajin
nonton koran, makin hobi baca teve. Jadi, gue tau siape pengemplang duit rakyat
nyang udeh ditangkep, siapa nyang bakalan ketangkep dan siape nyang udeh
minggat dan sampe sekarang belon juga ketangkep.
Emangnye kapan sih gue pernah punya pengalaman
bikin kata sambutan? Paling paling gue
pernah bikin sambutan waktu babe ame nyak lo ngelamar anak gue.
Gue sendiri, waktu nikah gugupnye setengah koit. Untung, gue nyang
tadinye mau langsung ngebatalin nenggak
minuman keras oplosan. Kalo lagi entu tuh minuman oplosan jadi gue tenggak,
pastinye gue udeh langsung almarhum.
Kagak jadi nikah, kagak bakalan bisa ehem-ehem sama enyak si
Leha, dan kagak bakalan tuh bini loe lahir ke dunie. Tau ape kagak, sih, loe?
Sekarang, oke, gue paksain diri bikin kata
sam butan.Tapi, laen kali, kalo loe masih mau jadi mantu gue , jangan suruh gue
bikin kata sambutan lagi, yee? Oh iye, kalo jelek, kagak lucu, kagak ade
gregetnye jangan lu ajak temen-temen demo buat sambitin gue, yee ?
Syukur kalo lo mau deal.
Hmmmm…Pembaca nyang budiman.
Gara-gara jadi dokter gigi, anak
saye nyang paling tue, nyang tadinye demen guyon, sekarang, malah cuman bisa
jadi orang nyang demen cemberut. Die udeh kagak demen guyon. Pantang becanda.
Soalnye, waktu pertama praktek, dia punya pengalaman nyata nyang kagak asyik
punya.
Bersambung........
Belum ada tanggapan untuk "KATA SAMBUTAN MERTOKU (1)"
Post a Comment