KOMENG DAN MARKONAH
Oleh : Wiarsih Asikin
EMPAT BELAS
“Amien,” kata Komeng
“Amien ya robbal alamin,” kata
Markonah
“Sekarang, gimane kalo lu berdua, ikut
gue ke rumah. Kayaknye, bini gue, udeh nyiapin sop buat makan siang,” ajak kong
Lihun.
“Aduuuh, kong. Maaf, nii,” kata Komeng
sambil megangin perut, dan nyetel muka kayak lagi nahan mules.
“Abang kenape,” Markonah kuatir
“
Lhaaa, Komeng, kenape sih, lhoo. Gue ajak makan siang di rumah, malah mules.
Mules beneran, lhoo “
“Kong, sebenernye saya mau ngomong.
Kebetulan, waktu begini, emang pas buat makan siang. Jadi, jangan cuman ngomong.
Saye mau nye berangkat buruan “
“Dasar ! Konah pikir, beneran
sakit pe rut. Bikin kaget orang aje,” Markonah, kesel. Ta pi, lantaran pake
nyubit dan nyubitnye jauh dari kesel, kong Lihun tau, kalo Markonah nyimpen
sesuatu.
Cuman, kong Lihun kagak mau sok
tau. Kalau pun Komeng kagak ngeh, kalo Markonah keliatan punya selera sama
Komeng, kagak bakalan kong Lihun nginformasiin. Sebab, sampe saat ini, belon
pernah jadi comblang. Lagi an, kalo bener, feelingnye tepat. Kalo salah?
“Yaa, udeh, ayo kita berangkat,”
ajak Kong Lihun, sembari bergerak, ninggalin rumah kosong nyang pemiliknye
kagak mau nempatin lantaran niat belinye cuman buat investasi. Pak Erwe lantas
ngelobi, nyang punya rumah tentu aje ngijinin rumahnye dikontrak separuh tarif.
Sebab, dijanjiin bakal dirawat secara apik..
Awalnye sih, nyoba ngupayain supaya bisa make rumah
kosong, tapi full kagak bayar alias gratis. Ternyata, nyang punya kagak ngere
lain gratis. Sebab, die udeh ngiklanin di koran mau dikontrakin.
Lantaran nyang ngelobi pak
Erwe, nyang punya rumah kepaksa ngerelain dikontrak panitia yayasan anak yatim,
nyang kalao orang laen mesti bayar full, tapi akhirnye cuman di ba yar separo
dari harga kontrak nyang mestinye en am juta perak per tahun.
(3)
PAS
perut laper ada nyang ngajak makan gratis, pake tahu tempe sama sambel pedes aje, rasanye, udeh
asooi enjrot enjrotan. Apelagi kalo makannye
sama sop kambing buatan Nyai Minah. Bener-bener sedep. Lengkap sama pete
bakar, kayaknye, jadi logis kalo kagak
perlu mikirin sepak terjang Barack Obama
Die mau neken Israel atawa tetep bersahabat
,ngapain di pikirin. Soalnye,
tetep aje Israel nge bombardier
Palestina. Jadi, mending nikmatin menu makan siang di rumah kong Lihun.
Cu man, saking sedepnye nikmatin makan gratis nyang masakannye emang sedep
punya, Komeng kagak tau, kalo diem-diem, Markonah gak seke dar nikmatin
hidangan.
Diem diem, Markonah manfaatin
kesempetan buat merhatiin Komeng. Cuma
tuh cowok kayak kagak tau kalo ada cewek yang merhatiin dirinye
Bersambung………
Belum ada tanggapan untuk "CERITA SAMBUNG (14)"
Post a Comment