KATA SAMBUTAN MERTOKU (2)

(Bagian dua, Tamat)

Oleh : Si JABRIK

        . Begitu pasen nyang pipinye bengkak masuk, langsung die ajak becanda. Maksudnye, supaya pasiennya senang, riang, dan tenang. Jadi, waktu disuntik sampe waktu giginye dicabut, die kagak bakal kesakitan. Kagak ketakutan. Nggak taunye, begitu pasennye diajak becanda, tuh pasien bukan ikutan ngakak malah ngemplang anak saye.

              Mulain saat itu, die jadi umat nyang maunye paling  serius. Tiap pasien masuk, langsung die suruh buka mulut. Langsung die ketok-ketok tuh gigi sambil nanya dengan galak.

              “ Sakit ape kagak?”

             Meski sakit, kebanyakan pasen, ngejawab kagak. Sebab, maunye malah cepet-ce pet dicabut. Kalo bilang sakit, pasti disuruh pulang dan  baru minggu depan diminta balik lagi.

             Naah, ni buku mantu saye, bukan dipersembahin buat anda, nyang lagi sakit gigi. Tapi, buat nyang abis kerja capek, lantaran pulang dari kantor ke rumah nyang jaraknye lima kilometer, ban motor pecah tapi nggak punya duit buat nambel lantas jalan kaki.

             Buat nyang pulang kerja pas sampe di rumah langsung kesel lantaran bini lagi ngayap dan di rumah nyang ditinggalin seenaknye, kagak ada air putih, kagak ade kopi. Di meja makan juga cumin ada tudung saji.

            Juga buat nyang kesel sama mertoku lantaran  tuh mertua ngerongrong, terus minta doku sambil ngancem kalo kagak di kasih anaknye mau dibawa pulang.

             Gitu juga buat nyang pusing lantaran dealer ngancem bakal dating buat nyita motor nyang lebih dari tiga bulan kreditannye belon dibayar.

             Buat nyang pusing lantaran mau korupsi  kagak berani soalnye  takut di penjara tapi kalo kagak korupsi bini ngancem minta cere. Buat nyang pusing lantaran mau ngekepin bini di tengah malem, tapi kebetulan bini lagi kedatengan tamu bulanan, 

              Pokoknye, buat nyang pusing tujuh keliling, tujuh kelurahan dan  tujuh kecamatan lantaran cape plus kesel sama para koruptor nyang jumlahnye malah makin ngebeludak. Pusing lantaran mau diusir dari rumah kontrakan atawa pusing lantaran udeh dead line tapi belon dapet bahan berita paling aktual. Pusing lantaran bisul di paha udeh setegah taon mateng tapi belon mau pecah juga. Pusing lantaran kagak bisa kentut langsung di bawa ke UGD sebuah rumah sakit tapi akibatnye malah mangkin pusing lantaran nggak punya duit buat bayar.

              Pokoknye, segala pusing nyang musingin, se gala cape nyang bikin lesu ,letih, lelah, dan lemah. Segala    kesel nyang bikin ati terus dongkol. Please, deh, baca buku karangan mantu saye, nyang berjudul : ADA JUDULNYA TAPI KAGAK ADA ISINYA

             Awas yee, nyang ketauan kagak baca, nggak bakalan deh saye kasih ngutang kembang. Pokoknye, siape aje nyang ketauan kagak beli ples kagak mau baca buku anak saye, kagak bakalan saye traktir makan di rumah makan mewah, nyang selalu stand bye nyediain:

             SATE NYAMUK

             PANGGANG KECOA

             SAYUR BATU KOLAR

             PEPES TULANG IKAN DOANK

             Ples BAKSO DAGING NYAMUK

            Akhirnye, sampe di sini aje, yee.

            Wassalam

            LEMPENG bin LURUS LURUS AJE

            (Mertokunye si JABRIK)

Tweet

Postingan terkait:

Ditulis Paman Doblank — June 21, 2013 — Add Comment — SketsaKata02