Oleh : Wiarsih Asikin
DELAPAN BELAS
Untung, di saat Komeng ngerase bingung terdengar suaranye kong Lihun
“ Ehem..ehem.. Mau shalat berjemaah ape kagak,
lu?" Kong Lihun langsung negur Komeng
"Yaa, bukan buruan ambil Wudhu? “ Kata Kong Lihun nyang ngeliat Komeng belum beranjak dari tempatnye.
“I..iye, kong. Tenang aje “
Komeng nyang sebenernye maununda seje
nak, kepaksa buru-buru ke kamar mandi.
Cuman, die jelas ngerasain, ape nyang begemuruh di dadanye.
“Konah, kalo kagak ada halangan, pinjem
tuh mukena ama nyai. Kalo mau jamaah sama lelaki, kite shalat di ruang tengah.
Kalo mau sama nyai, ke kamar aje “
“Iyee, kong. Cuman, maaf, ni hari, saye
masing berhalangan “
“Oooh, gue kira lu kagak punya tamu”
Kong Lihun langsung ke ruang tengah
Konah celingak-celinguk, kearah kamar man
di. Nyari sosok nyang barusan bikin atinye krenyat-krenyut. Di satu sisi keki,
di sisi laen, ada nyang misteri . Cuman Markonah sendiri nyang tau, ape nyang
bentuknye misteri dan adenye tersimpen di die punya ati.
“Kapan kapan kita lanjutin,” desis Komeng,
nyang cepet banget dari kamar mandinye. Komeng punya alesan berdiri sejenak,
lantaran sibuk ngeleletin ngebuka
lipetan baju kokonye.
“ Nanti kapan ? Bulan depan?” Desis Konah
“ Yaa, nanti. Kalo gue udeh punya
keberanian. Sekarang, gue mau shalat dulu. Tolong doain, su paya gue punya
keberanian. Supaya gue bisa ngo mong nyang laen sama mpok, dan nggak cuman
terus-terusan ngomong soal yayasan “
Komeng buru-buru ke ruang tengah. Pas
Komeng dating, Kong Lihun kagak mau lagi buang waktu. Dia langsung nyuruh
Komeng buat Qomat secepetnye.
Seudeh ngerapihin kancing baju kokonye, Komeng
laksanain intruksi engkong Lihun, nyang udeh berdiri di posisi sebagai imam.
Meski begitu, Kong Lihun masih sempat ngeliat
Markonah yang kayaknya nggak mau kehilangan peluang buat mandang Komeng, masih
berdiri di tempatnya. Matanye cukup tajem. Kong Lihun kagak tau, apakah Komeng
tahu tau tapi belagak nggak tau kalo dirinye dipertiin, ape emang die kagak tau
dirinye terus ditatap sama Markonah
Sedangkan Markonah nyang ngaku lagi
nggak shalat, kayak nggak bosen
memandang ke ruang tamu, di mana Komeng mulai konsen karena Kong Lihun sudah
mulai mengangkat kedua tangan dan terdengar mengucap Alllaahu Akbar.
“Terus,
kapan beraninye,” tanya Markonah yang tentu aje nggak kedengeran ame
siapa siape, lantaran tuh pertanyaan cuman mengggema di dalem ati Markonah
Cuman dia kagak nyangka kalo tiba tida aje
ada nyang nyentuh tangannye. Belum sempet Markonah noleh, Nyai Minah udeh
besuare
“Nggak bae lu diri di sini, Sekarang,
meski lo kagak sahalat, lebih bae ikut ke kamar,” kate Nyi Minah nyang langsung
nuntun Markonah menuju ke kamarnye.
Markonah kagak bisa bilang KPK mesti usut
proyek perbaikan jalan pantura nyang setiap taon jelang lebaran, pasti
bermasalah. Sebab, Markonah belum pernah tau kenape tuh jalan pantura setiap
taon nggak pernah bebas dari masalah
Markonah juga nggak sempat-malah nggak
bisa bilang di bulan Ramadhan jangan masang petasan, karena selain mubazir juga
bisa mencelakakan orang laen, lantaran dia sendiri kagak tau mau ngapain Nyai
Minah ngajak dirinye ke kamar Nyai Minah
Belum ada tanggapan untuk "CERITA SAMBUNG (18)"
Post a Comment