KOMENG DAN MARKONAH
Oleh : Wiarsih Asikin
TUJUH BELAS
Tapi, Komeng bisa mengendalikan diri
“Menurut saye, bukan kagak pede. Tapi,
lan taran di rumahnye kagak punya kaca. Jadi, die ka gak pernah bisa lihat,
karunia Tuhan nyang indah udeh lame nemplok di mpok Konah “
“Aaah, masa’, sih ? Kan , die pernah buka salon. Emangnye, kalo
salonnye udeh tutup, kaca nye ikutan dijual ?“ Samber Nyai, nyang sebenernye
kagak nyambung sama maksud Komeng.
Cuma, Komeng malah ngikutin alur Nyai
Minah. Dia manfaatin ocehan nyai Minah supaya nyai bisa lebih memahami apa
maksudnya
“Kayaknye, sih gitu. Lagi entu, kan masih pacaran sama
mantannye. Kebetulan, dompet mantannye, ketinggalan di rumahnye. Berhubung
kagak ada ongkos, kepaksa tuh kaca bekas salon, dijual “
“Gue jadi kagak ngerti? Mantan, tuh, ape,
sih? “
“Nyai kagak ngerti?” Tanya Komeng, nyang
ternyata tau, kalo Markonah, kayaknya keliatan kagak suka, die ngomong mantan.
Tapi, untung Nyai Minah kagak ngerti ape nyang die maksud.
“Nyai..Nyai, mantan tuh artinya naik
sedan, sejenis taksi, gitu. “
“Lu jangan ngebohongin gue, ngape. Masa,
taksi dompetnye bisa ketinggalan ? Kalo dompet supir taksi ketinggalan, gue
percaye? Kalau dompet taksi ketinggalan… kapan dompet punya taksi, eh, maksud
gue, kapan taksi punya dompet?” Kata Nyai Minah
Kali ini, Kong Lihun nyang udeh mites
punting rokoknye ke asbak, kayak kepaksa ikutan ngomong
“Huss, kalo ngomong terus, kapan kita dzu
hurnye? Perut udeh kenyang, udeh rileks, bukan cepet shalat, malah ngurus soal
nyang kagak per lu.”
Lantaran seudeh ngucapin karanye Kong
Lihun,buru-buru ngeloyor ke kamar mandi. Buat ambil air wudhu. Nyai, buru-buru
ngangkut sisa peralatan bekas makan ke dapur.
Komeng nyang masih duduk di kursi meja
makan, kayaknye, jadi kebingungan. Mau ke kamar mandi, kong Lihun baru aje ke
kamar man di. Tapi, akhirnye, Komeng gentleman
juga
“ Maafin gue, yee?”
“Emang ngerasa salah?” Markonah pamerin
gaya kesel
“Pastinye, gue kagak tau. Soalnye, nyang
gue tau, sebenernye cuman kepengen tau “
“Kepengen tau apaan?”
“Ya, apaan aja. Tapi, gue kagak tau mau
mula in darimane? Eeh, nyang nyeplos dari mulut gue malah soal nyang barusan.
Pasti lu marah, kan ?
Mangkanye, gue minta mantan, eh, maaf, gue jadi grogi. Maksud gue, minta maaf
?”
Markonah menahan keinginan berubah sikap.
Ia tidak mau ketawa, meski kegrogian Komeng, menggelikan
“Minta nggak sama ama mohon, kan ?”
“Mak..maksud, lu ?”
“Minta maaf ape mohon maaf ?”
“Kan ,
gue terlanjur bilang minta ?”
“Kalo minta, saya nggak kasih. Kalau
mohon, boleh jadi saye kasih “
“I..iye, deh..Mohon maaf “
“Ya, udeh. Saye maafin. Cuman, laen kali,
nauin, dong, kalo perempuan, tuh, punya pera saan. Punya kemauan tapi nggak
berani ngungkapin blak blakan ?”
“Kan ,
kite udeh sering ngobrol?”
“Sering ngobrol,kan , soal yayasan? Soal nyang laen,
misalnye, perasaan? Pernah abang ngajak ngobrol tentang perasaan perempuan ?”
Bersambung……
Belum ada tanggapan untuk "CERITA SAMBUNG (17)"
Post a Comment