KOMENG DAN MARKONAH
Oleh : Wiarsih Asikin
SEPULUH
“Hahahahaha, bener tuh. Gue demen tuh
sa ma prinsip nyang kayak gitu. Ada atawa kagak ada , kudu ada. Kudu bisa, kudu biasa dan kudu jadi budaye.
Kan , bung
Karno bilang, nyang die bu tuhin bukan jutaan anak muda. Tapi, sedikit doang.
Cuman, semua pada kerja. Pada peduli sama negara.Hasilnye, rakyat pasti kagak
bakalan pada sengsara “
“Orangtue aje, masih punya semanget
ber api-api. Masa’ anak muda kagak punya semangat kayak gitu, Udeh, deh, lebih
baik, mane nyang bi sa Konah kerjain, sini Konah kerjain. Gitu aje, kok, repot
“
Komeng jadi kagak bisa miara empetnye te
rus terusan. Sebab, ujung-ujungnye malah emang kagak bakal ada nyang dikerjain.
Die lantas nge bagi formulir dari para warga nyang numpuk di depan matanye, ke
Markonah.
Kong Lihun nyang bisa ngebantu
lantaran cuman ngitung jumlahnye doang, ikut turun tang an. Nggak lama, die
buru-buru ke luar. Mampir ke warung Edi Peyang. Mesen dua gelas kopi, segelas
teh panas ples gorengan. Nggak lama die udeh balik.
Ngeliat Komeng lagi asyik ngerjain
tugas, ngerekap daftar donator kong Lihun narik nafas lega. Kong Lihun kagak
kuatirin Markonah. Soal ye, die tau. Tuh anak, nyang ngejanda di umur dua
puluh, termasuk cewek nyang bisa diandelin. Punya kepedulian, jiwa sosialnye
tinggi, dan ka lo die punye kesibukan nyang punya banyak man faat, berarti die makin
gampang ngelupain masalahnye.
Semisal Markonah makin bisa ngelupain
mantan lakinye nyang waktu mau nikah ngaku bujangan setulen tulennye. Tapi
seminggu pasca nikah bininye dating bawa tiga
anak nyang ikhlas mau diserahin ke Markonah buat diurus, Markonah malah
langsung ambil keputusan buat pisah.
Die rela cere, selaen kuciwa berat
lantaran udeh dicipoain sama lakinye, juga lantaran kagak mau nyakitin ati
sesame perempuan. Jadi, akhirnye ape boleh baut, eh, ape boleh buat. Kate Markonah,
lebih baik pisah secepetnye timbang tetap bertahan tapi diiming imingin
penderitaan batin.
Untungnye, Markonah belon terlanjur
jebol, meski udeh ngelewatin malem pertame. Mulanye dia ngasih alesan cape
lantaran dua hari dua malem duduk di pelaminan dan salam salaman sama tamu
nyang diundang maupun tamu nyang meski kagak diundang, semangat datang ke
reesepsi pernikahan Markonah.
Eeh, pas Markonah berkewajiban ngasih
kehangetan buat lakinya, nggak taunye Markonah kedatangan tamu bulanan. Belon
kelar dilanda kunjungan tamu bulanan, bokinnye si Dul Koplo datang, sembari
bilang rela minta cerai asal Markonah rela ngurus tiga bocah mereka nyang
diusie masing masing., begitu semangat mamerin bendelnye.
Kalo udeh begitu, kagak bakalan inget
me mori paling buram dalam idupnye.
Memori bersama Dul Koplo , nyang waktu ngedeketin, waktu macarin Markonah,
ngaku jejaka. Nggak taunye, die udeh jelangkung alias udeh punye bokin ples
anak nyang jumlahnye tiga orang dan usia masing masingnye, Cuma beda setaon
doangan.
Bersambung……….
Belum ada tanggapan untuk "CERITA SAMBUNG (10)"
Post a Comment