KOMENG DAN MARKONAH 7

Oleh : Wiarsih Asikin

TUJUH

           Soalnye, walikota nyang enem bulan lalu kepilih, bikin aturan nyang paling popular, pasti disenengin masyarakat ngegeratisin biaya bikin ktp. Tuh kebijakan populis, sama sekali kagak ada nyang minat ngedemo. Malah, masyarakat pada ngasih ucapan selamet. Pada ngedoain

           Selaen entu, pak walikota juga ngebentuk Satgab (Satuan Sergap) preman kelurahan. Siape aje nyang biasa ngobyek ktp, surat kematian, izin domisili dan laen sebagainye, kalo dampaknye nyusahin warge, pasti ditangkep dan diserahin ke walikota

           Hukumannye, emang kagak di penjara. Ta pi, seminggu beturut-turut, wajib ngepel tiap pa gi sama sore, seluruh ruangan kantor walikota. Di waktu luang – seudeh ngepel, wajib jaga dan ngerawat taman dan kalo udeh kelar diwajibin  ngebersihin wc di seluruh ruangan yang ada di kantor Walikota.

            Naah, gimane kagak pusing, kalo jalan ngobyek udeh ditutup sama peraturan, produk Walikota nyang baru kepilih, enam bulan silam Terlebih, tuh perda langsung di acc sama anggo ta dprd setempat, nyang waktu ngebahas perda ajegile hebatnye,  kagak ada nyang ngambil ho nor rapat dewan.

            Lantas rakyat ngegelar sholat tobat berje maah. Besoknye, ngegelar doa akbar sejuta war ga. Minta ke Sang Pencipta, supaya pelaksanaan nye, sepanjang masa dan kagak seperti biasa nyang cuman anget anget tai kebo. Lagi inget di laksanain, lagi kagak inget atawa lagi ilang inge tan, langsung dimasabodoin.

           Alhamdulillah..baru lewat tiga ari, lang sung dilaksanain. Sampe sekarang, masih tetap konsisten dan konsekwen. Padahal, para preman kelurahan pada rame-rame pegi kedukun. Supaya pak Walikota, buru-buru nyabut perda nyang di anggap kagak sesuai sama aspirasi preman kelurahan.

          Tapi, sampe sekarang, tetep eksis. Malah, pak Walikota, berhasil mecat tujuh belas oknum Lurah, nyang ketahuan ngebeck-up para preman kelurahan, nyang dulunye, pinter banget ngatur tata cara pembuatan berbagai surat di kelurahan

        “ Emang sih, mestinye begitu. Kalo pimpi nan daerah jujur terus anggota dewan juga jujur, nyang namanye kebatilan, pasti ancur. Tapi, preman kelurahan pada babak belur,” begitu keluhan pak erte, waktu kecewa lantaran upayanye ke dukun, malah kagak ngehasilin hara pan, selaen ngejebol kantong lantaran mesti patu ngan buat bayar dukun nyang katanye punya kesaktian mandra-bokir

        Satu-satunye jalan nyang die tempuh, ke paksa bikin kotak sumbangan dan ditaro di ru mahnye. Cuman, tuh kotak sumbangan nyang di poles tulisan Suka Rela, kadang, ada nyang nyemplungin, tapi seringnye cuman bengong te rus menerus. Soalnye, kagak setiap ari warga minta surat penganter.

         Untung, Walikota udeh merhatiin para erte. Meski dibayar tiap enam bulan sekali –jumlah nye sekitar sejuta, masih ada nyang bisa diandelin. Kalo kagak? Boleh jadi sehari hari Cuma bisa makan daon. Kalo udeh gitu, gimane punya peluang ngedeket sama Markonah?

Bersambung………..

Tweet

Postingan terkait:

Ditulis Paman Doblank — July 7, 2013 — Add Comment — Fiksi07