KOMENG DAN MARKONAH
Oleh : Wiarsih Asikin
SEMBILAN
Komeng kagak tega, ngeliat Markonah
sibuk sendirian. Ia lantas ngambil semua doku men nyang lagi disusun Markonah.
Tentu aje Markonah malah girang. Soalnye, emang bukan die nyang wajib nanganin.
Cuman, die keliatan sebel, lantaran Komeng, belon juga ngajak ngob rol.
“ Kok belon juga pada dateng, ye?”
Kata Komeng.
Markonah bukan kagak denger. Cuman,
lantaran nadanye ngebingungin – nanya ape nge gerundel, Markonah malah ngeloyot
ke kamar mandi. Engkong Lihun, juga kagak nimpalin. Maklum, lagi asyik klepas
klepus.
Komeng kagak peduli. Tapi, begitu Ko
meng ngeliat ke jam tangannye, keliatan banget kalo die kesel. Soalnye, jam
sembilan lewat sepe rempat jam. Waktu udeh lewat, bukan cuman pak Erwe nyang
kagak juga hadir. Ketua harian, ketua bidang laen, juga kagak pada nongol.
Padahal, udeh pada diinformasiin. Nyatanye?
Padahal, waktu mau ngediriin
yayasan, pada keliatan banget, kalo
semangatnye semang at reformasi. Semangat nyang pengen ngeliatin, satu visi
satu misi satu pencapaian prestasi, mem perbaiki dan memberdayakan anak yatim
piatu, anak kaum dhuafa, supaya mereka punya pelu ang yang sama, meraih
cita-cita. Menjadi manu sia Indonesia nyang berkpribadian dan berakhlak mulia.
Nyatanye ?
“Udeh, ngapain lu pikirin? Kan ada gue, nyang siap
nemenin lu sampe sore. Juga ada si Markonah, nyang siap kerja keras. Toh, nyang
penting bukan para pengurus pada hadir ape ng gak. Tapi, ni yayasan, bisa jalan
ape cuma beren ti di cita-cita ? “
Kong Lihun, nyang siap ditunjuk jadi
pe nasihat, tapi kagak siap ngerjain berbagai hal lan taran kagak ngerti
administrasi, kagak bisa make komputer dan kagak ngerti pembukuan, ngehibur
ples tetep ngasih semangat dan dukungan.
“Iyee, bang. Timbang ngerekap erte
per er te, terus ngeregister daftar para penyumbang kelas A, kelas B dan
seterusnye, sih, kagak perlu dikerjain banyak orang. Kite bedua juga bisa
ngerjain,” Markonah nyang sebenernye juga ke sel, lantaran soal ngerekap
nama-nama calon donator bukan bagian die, meski baru balik dari kamar mandi,
kepaksa ngasih dukungan supaya Komeng, kagak ngerasa sendirian
“Emang nggak ada susahnye, sih.
Cuman, kalo nyang beginian mesti gue juga nyang nger jain, buat ape waktu acara
nyusun pengurus pada berebutan mau jadi pengurus? Terus, kalo nan tinye tetep
begini, kagak mungkin, dong gue bisa ngerjain nyang laen? Terlebih, kalo
waktunye be tepatan sama waktu ngajar? Ape kagak repot ?”
“Nyang repot tuh, kalo kite kagak
kerjain. Pastinye, kalo masalah nyang beginian terus me nerus cuman
digerundelin, kelarnye kagak, mang kin repotnye malah iye, Meng “
“Bener tuh, ape nyang dibilang
engkong. Jadi, ngapain kite pikirin. Nyang bagus, pan, le bih bae kite kerjain.
Dikit-dikit, lama-lama jadi gunung. Sedikit sedikit, akhirnye kagak lagi bi kin
kite bingung “
Bersambung…….
Belum ada tanggapan untuk "CERITA SAMBUNG (9)"
Post a Comment