KOMENG DAN MARKONAH
Oleh : Wiarsih Asikin
SEBELAS
Untung, waktu entu, kong Lihun kagak
jadi ikut naek gunung, lantaran rematiknye kumat. Kalo aje jadi ngedaki gunung
Selamet, mungkin Markonah kagak selamet. Artinye, bukan lantaran koit dibunuh sama Mariyati. Tapi, die tetep keiket perkawinan "semprul" sama Dul Koplo, nyang ternyata kangen pengen punya bini lagi lantas ngaku bujangan. Padahal, statusnye udeh jelas, yaitu : Bujungun. Bukan Bujangan. Busyet deh, siape nyang sanggup kalo belon tentu bahagie tapi udeh dikasih beban ngerawat tiga bocah
Soalnye, bini Dul Koplo nyang udeh punya tiga bocah, dua perempuan
sembilan dan enem tahun, ples bocah lanang sekitar umur tiga taon, sengaja
nyatronin buat ngelaksanain dua missi. Pertama, ngebuka kedok Dul Koplo, nyang
sebenernya bukan jejaka ting-ting lagi. Tapi, udeh jadi jejaka ting tong ting
tong, malah, die bilang, kalo dibawa ke spesialis dokter tulang, pasti ketauan
kalo dengkulnye udeh teklok.
Missi
kedua, die mau nyerahin ketiga anaknye, supaya semua diurus sama Markonah.
Alesannye, kalo Markonah emang cinta sama la kinye, die mesti konsekwen. Mesti
nyintain juga ketiga anaknye. Jadi, Markonah mesti mau ngu rus, ngebimbing dan
ngedidik ketiga nyang secara otomatis jadi anak tiri alias anak kualon a
Lantaran Markonah nolak, Mariyati,
bini Dul Koplo, nyang sebenernye masih
demplon, masih kece, kagak seneng ati. Die nilai, Markonah geblek. Sama lakinye
mau tapi sama anak-anaknye ogah. Die langsung ngerogoh tas, ngeluarin piso
lipet nyang katanye sengaja boleh nyolong di tempat tukang cukur.
Dul Koplo, tentu aje, selaen
bingung, juga ketakutan. Bingung, sebab kalo die penuhin permintaan bininye,
nyang nuntut supaya cepet cepet
ninggalin Markonah, berarti bakal langsung keilangan gebetannye, nyang
menurutnye masih asoi geboi dan sayang banget kalo ditinggalin, lantaran udeh
ngabisin banyak duit waktu pacaran sama nikah. Selaen entu, juga belon
ngerasain indahnya malam pertama atawa siang pertama.
Tapi, kalo bertahan, Mariyati nyang
udeh ngancem, bakalan jadi bini nyang nekad, siap ngebunuh Dul Koplo, nyang
lagi enjoi di rumah bini mudanye. Saat kritis itulah, kong Lihun, no ngol.
Tentu aje bukan kebetulan. Sebab, kong Li hun sering mampir ke rumah Markonah.
Bukan nyatronin Markonah. Tapi,
lanta ran ceesan sama bokap Markonah, bang Kiding Sukiding, nyang seudeh
pensiun sebagai pegawai kelurahan, pulang ke kampung nyokap Marko nah di daerah
Garut. Di sane, die emang kagak punya rumah, kagak gablek kebon atawa sawah.
Tapi, nekad ikut ke kampung bini, lantaran mer tuanye ngawarisin rumah, sawah,
kebon dan tiga mobil angkot.
Jadi, Markonah nyang udeh nikah
sama Dul Koplo, disuruh ngisi rumah nyang sampe se karang masih ditempatin.
Jadi, pas ngeliat ada ke rusuhan lokal, kong Lihun langsung turun tang an.
Kagak ada kesulitan buat kong Lihun buat ngejinekin Maryati. Terlebih, kong
Lihun, dise genin, lantaran mantan jawara.
Setelah nyaho persoalan, kong Lihun
jadi ikut campur. Dul Koplo disuruh sama kong Lihun supaya cepet-cepet ngebawa
pulang Mariyati ples tiga anaknye, ke kawasan Bogor. Tujuannye bukan suruh
nyerein. Tapi, ngeredam emosi masing masing. Nanti, seudeh perang dingin kelar,
baru dicari jalan ke luar.
Nggak
taunye, Markonah malah nge gu gat cerai. Bukan lantaran die udeh kagak cinta la
gi sama Dul Koplo Tapi, lantaran Markonah be ner-bener ngerasa sakit ati. Sama bini tua Kus nadi, difitnah ngerebut
laki dan ngerusak rumah tangga Martiyati – Dul Koplo. Sama lakinye, Markonah
dicipoain abis-abisan.
Markonah, bener-bener kagak nyangka,
kalo Dul Koplo, nyang ngaku bujangan gres, kagak taunye punya bini ples tiga
anak, nyang tinggalnye di Bogor. Waktu entu, kepengeeeeeeeeeeen banget, Markonah ninju idung Dul Koplo nyang sepek, eh, maaf, yang pesek sehingga kebebes ke dalem. Kayaknye, Dul Koplo emang lebih pantes nggak punya idung
Belum ada tanggapan untuk "CERITA SAMBUNG (11)"
Post a Comment