KOMENG DAN MARKONAH
Oleh : Wiarsih Asikin
DELAPAN
Cuman, pak erte nyang kagak di kasih
tau, tetep kagak tau, kalo bang Tilep, nyang sebener nye nyontek ide pak erte
di bidang kotak sumba ngan, malah tambah enak. Bisa nyumbang makin gede, tapi
dapet keuntungan dobel. Di kantor, dapet uang lebih dari kotak sumbangan. Di
lingkungan, dapet popularitas.
Terlebih, kalo tiap bulan atawa tiap
Jum’ atan, panitie mau ngumumin nama-nama pe nyumbang anak yatim paling top, di
lingkungan erwe kosong tujuh belas. Nantinye, nama bang Tilep, pasti sering
disebut sebut sebagai tokoh masyarakat yang disesepuhkan karena kedermawanannye
Tentu aje, meski wartawan, Komeng
nyang selama eni cuman sibuk ama kantor plus kerjaan nye, kagak tau kondisi
psikologis masyarakat erwe kosong tujuh belas. Khususnye, kondisi masyarakat
erte tujuh erwe kosong tujuh belas.
Meski paham, Makonah kagak paham full
seratus prosen. Die cuman paham permukaan, tapi belon paham sampe ke
akar-akarnye. Mak lum, nyang diketauin Markonah, sebatas selera khusus kaum
lelaki terhadap lawan jenisnye. Selebihnye, belon bisa dibilang paham, lantaran
Markonah belon punya makan banyak asem garem kehidupan. Makanye, Markonah masih
jarang sakit perut
Tapi kalo tanya ke engkong Lihun, dia
pasti paham. Kenape, selama rapat berjalan, beliau cuman ngeliat, mesem-mesem,
nyengir ku da, plus ngelepusin asep rokok kretek kesaya ngannye.
Ooooooooooooo
(2)
KOMENG sadar, pagi ini, Minggu, jam sembilan, formulir dari semua warga erwe ko song tujuh
belas, mau di rekap satu persatu, erte per erte. Mangkanye, die nyang biasa
kelar sho lat Subuh, dzikir secukupnye dan ngelanjutin sleeping , kagak berani bobo
maning. Komeng kuatir kebablasan
Malah, baru jam tujuh, udeh mandi. Usai sholat
sunat dhuha, langsung ngacir ke sekre tariat yayasan. Komeng maklum, pengurus
belon pada dateng. Sebab, memang belon jam sembi lan. Timbang bengong, Komeng
nyang biasa gu nain waktu luang buat baca, ambil buku nyang die simpen di ruang
kerja.
Die cuman jawab salam dan senyum
sama Markonah, nyang kagak lama berselang, muncul di sekretariat. Lantas, balik
nancepin ma tenye ke buku “ Membangun Budaya Akhlak Mu lia Anak Indonesia
“ karangan Kiai Solehati.
Komeng baru ngelepas bukunye, waktu
engkong Lihun muncul, pukul sembilan kurang seperempat jam. Noleh sebentar ke
Markonah, nyang keliatan repot nyusun formulir dari para donator nyang udeh
dibalikin ke pengurus yaya san.
Bersambung………
Belum ada tanggapan untuk "CERITA SAMBUNG (8)"
Post a Comment