KOMENG DAN MARKONAH
Oleh : Wiarsih Asikin
DUA
BELAS
“Pantes die sering ngasih alesan ada
bo rongan ngebangun rumah di luar kota. Kagak tau nye, punya bini dan punya
kewajiban menuhin kuota. Dasar laki sembleb,” rutuk Markonah, sambil nangis
dalem pelukan kong Lihun, seu deh lakinye bawa minggat Mariyati ples
anak-anaknye dari rumah Markonah, di kawasan Ta ngerang.
Kong Lihun nyang lagi asyik nginget
stori Markonah, jadi kaget, lantaran hapenye berde ring. Die cepet-cepet
ngejawab panggilan.
“Hallo..siape nie ?”
“Aye, kong. Edi Peyang. Kopinye,
bawa ke yayasan ape mau ambil sendiri “
“Geblek banget, lu. Gue pesen,
mestinye lu nyang anter. Cepet, gue tunggu. Eh, lu udeh punya hape?”
“Yaa, gitu, deh, kong. Ada juga nyang per caya
ngutangin. Lumayan, jadi bisa ngoling ngo ling langganan, bisa ngebilangin dari
jarak jauh, kalo Edi Peyang siap ngelayanin anter pesanan selame dua puluh
empat jam Sekian dulu, yee, Kong. “
Sambil matiin hapenye, Kong Lihun cu
man senyam-senyum. Die jadi ngerasa geli nge denger omongan si Edi Peyang,
nyang akhirnye punya hape tapi buat hal bermanfaat, anter pesa nan. Bukan buat
tren-trenan atawa kepengaruh sa ma perkembangan zaman.
Kalo lantaran ngikutin zaman, Kong
Lihun kayaknye sebel. Sebab, biasanye, jadi hobi ngutak ngatik hape. Selaen
entu, juga bikin duit bisa cepet ludes. Sebab, sebentar sebentar ke konter buat
beli pulsa. Aneh, kan, kalo giliran buat beli pulsa selalu ada tapi giliran
buat bayar utang modalnya cuma ntar-sok ntarsok alias kalau gak entar yaa
besok. Kalo besok ga juga bayar minta di maklum.
Celakanye, juga banyak nyang jadi lupa sama
tugas laen lantaran keranjingan sama hape.
Busyet, dimane mane, orang orang
tangannye pada kriting megangin ples maenin hape. Di jalanan, yang keliatan –
semua usia, bangga bawa hape. Nggak ada yang bangga bawa Al Qur’An.
Repot banget dah, kalo hape nyang mestinye
bermanfaat buat komunikasi, malah disalah gunain buat nyang selaen komunikasi.
Makin repot kalo bocah bocah nyang dikasih hape sama ortunye, malah ngebuka
situs orang dewasa
******
Dari erte laen, emang kagak masalah.
So alnye, waktu rapat, emang kagak nonjolin kepri badian nyang seolah-olah
paling siap nyumbang gede plus paling peduli sama anak yatim.
Rata-rata, ngomong kemampuan masing
masing, nyang memang masih terbatas. Terlebih, masih mikirin soal kreditan
rumah, nyang baru lima
taon ke depan lunas. Itu juga kalo ke depan ekonomi terus sehat walafiatl. Kalo
ekonomi ngedadak kelenger kayak zaman krismon, lantaran sekarang ini korupsi
mangkin meratu dan merajalela, ape kagak bakalan kegibek?