Oleh : Wiarsih Asikin
Akibatnye,die langsung dipecat
kagak pake hormat. Masa udeh ketahuan bersalah, nyelewengin doku perusahaan, dipecatnye pake embel embel dipecat dengan segala hormat. Nggak mungkin dong. Juga, nggak mungkin dapet pesangon. Udeh gak dapet pesangon, diminta wajib nyicil sejuta per bulan.Kalo nggak sanggup atawa kagak bersedia, tinggal milih, maunye di penjara di kepolisian wilayah tempat tinggalnye atawa kepolisian di wilayah tempatnye bekerja. Lantaran ogah jadi penghuni sel penjara, milih kagak dapat pesangon tapi siap nyicil sejuta sebulan.
Untung, ada duit tilepan nyang sempet die
beliin angkot atas nama mertuanye. Kalo kagak? Meski bisa aje jadi sopir
angkot, tapi sehari hari mesti kayak setan nguber nguber setoran supaye bisa dapet duit buat setor ke pemilik angkot.
Lantaran angkot udeh jadi milik pribadinye,
bang Poltak emang kagak pusing nguber nguber atawa mikirin setoran. Nyang die
pusingin, cuman nyicil utang ke perusahaan nyang gedenye ampir dua ratus
juta. Kalo sebulan sejuta, ape nggak kelabakan? Sebab, setaon baru dua belas juta. Pusing emang kalo lebih dari sepuluh taon keiket perjanjian kudu bayar cicilan ke perusahaan.
Bang Tilep, juga tetep girang. Bagi die, via formulir
atawa langsung diketahuin bareng, kagak masalah. Toh, dia tetap asyik lantaran
kerjanye Samsat, bagian esteenka. Buat die, dua juta kecil. Sebab, tiap ari
order nyang dateng dari dealer sama dari biro jasa, ngebadek. Kalo dari ma
sing-masing esteenka nyang die urusin, ada lebihnye lima puluh ribu aje, sehari die bisa ngantongin sekitar dua juta perak.
Ape beratnye? Hasil sehari aje, udeh bisa die
sumbangin. Terlebih, die punya rencane bikin kotak amal secara pribadi. Nah,
tuh kotak am al, kalo die tulisin Ke Surga Bersama Anak Ya tim, dan tiap nyang
bikin stnk, die kedipin? Tuh kotak amal nyang rencananye bakal die taro di
depan loket, pasti cepet lubernye. Sebulan, isinye pasti bisa di atas dua juta.
Jadi, di formulir die isi tiga juta,
juga kagak bakal berat. Malah, die bisa dapet untung. Sebab bisa manfaatin
kotak amal. Toh, hasilnye bakal tetep disumbangin. Dari tempat kerjaan dapet un
tung, dari panitie, dapet popularitas.
Ape kagak asyik ?
Cuman, rahasie pribadinye kagak mau
die beberin ke siape-siape. Termasuk ke pa erte, terle bih ke bininye. Makanye,
waktu rehat pak erte nyamperin, dan minta bantuan supaye nge beck-up sumbangan
per bulan ke yayasan anak yatim di erwe tujuh belas, bang Tilep ngegantung permintaan bantuan pak erte.
“Bukan saye pelit. Tapi, saye mau
kalkulasi keuangan saye dulu. Soalnye, rencane saye, mau naikin sumbangan jadi
tiga juta “
“Saye tuh cuman mau ngisi seratus
ribu, doang, friend ?”
“Masalahnye, bukan sekedar itu, coi.
Saye itung dulu, ada lebih ape nggak? Kalo ada lebih, tinggal saye putusin.
Apakah saye drop buat ente nyumbang anak yatim, atau, buat nyawer di acara
dangdut.
Naah, kalo buat anak yatim, berarti,
kalo ente masih mau ikut ke café Jebrat Jebrot, tiap mau nyawer mesti pake duit
sendiri. Tapi, kalo buat nyawer, nyumbang buat anak yatim, pake biaya sendiri.
Oke, coi ?”
Pak erte kagak berani ngedesek bang
Tilep. Soalnye, realitasnye, die emang
hobi ikut ke café Jebrat Jebrot, dan pasti ditraktir bang Tilep Bikin die pusing. Sebab, statusnye nganggur
hebat. Mangkanye die mau dan bisa jadi erte, supaya ada kegiatan. Tapi,
belakangan, balik lagi pusing. Soalnye, pergantian ktp dari biasa ke e-ktp, dampaknye hebat banget. Buat warga sih pasti asoi geboi. Tapi buat yang biasa urus dan jual jasa bikin ktp?
Bersambung…….
Belum ada tanggapan untuk "KOMENG DAN MARKONAH 6"
Post a Comment