Cerbung 1
Oleh : Wiarsih Asikin
Oleh : Wiarsih Asikin
(1)
CUMAN kong Lihun nyang keliatan paling
cuwek soang.. Die kagak keliatan ada niat buat eksiyen, apelagi nonjolin
pribadinye nyang sok eksis, kayak bapak bapak yang laen. Kong Lihun bener-bener kalem coi. Bukan ngerendahin
diri. Tapi kate bininye, nyi Minah, lakinye memang pasti gagap kalo ngomong di
depan publik.
Mangkanye kagak keliatan mau
nunjukin kepedulian. Kagak keliatan mau nonjolin diri. Kong Lihun cuman duduk
tenang. Sambil terus senyum. Kelepusan rokoknye doang yang kenceng
Beda banget sama bapak-bapak nyang
ngehadirin rapet warga sama panitia pembangunan Yayasan Anak Yatim Al Ikhlas.
Rata-rata berebut nunjukin eksistensi. Supaye keliatan kehebatannya Supaye warge
bilang kalo mereka adalah pribadi nyang paling peduli ama kesengsaraan orang
laen
“
Menurut gue, tuh, ngebantu anak yatim, kan ,
hukumnye jadi wajib. Naah jangan kate cu
man lima puluh
ribu, seratus ribu juga gue kagak keberatan, “ kata pak Soleh.
“
Gue setuju tuh sama nyang kayak gitu. Malah, kalo perlu, kalo kite semua sepakat buat
ngeberdayain anak yatim , kite naikin aje sumba ngannye jadi dua ratus ribu.
Nah, kepale kelu arge di erte kite,
jumlahnye kan lima puluh, kalo masing-masing dua ratus
ribu, per bulan kite bisa ngumpulin sepuluh juta.
Tinggal kite alokasiin deh, berape buat
sppnye, berape buat buku tulis ama buku pela jaran. Berape buat nyang laen.
Jadi, aman, tent rem dan sejahtera, kan ?
Nggak ribet, kok. Nyang penting pade punya niat,” samber pak Lempeng nyang
keliatannye juga kagak mau kalah set.
“
Pokoknye, bae ide pak Soleh maupun gagasan pak Lempeng, gue setuju. Ibarat
kate, kalo diminta ngedukung, gue cuman bisa bilang: ngedukung seabis-abisnye.
Soalnye, beramaliah itu hal paling penting dalem idup. Cuman amal doang nyang
nanti jadi sahabat sejati, saat kite udeh ko it.
Mangkanye, kalo rapat kite hari ini
nete pin gopeceng, gue kagak bakalan protes. Masa’ buat nyawer penyanyi dangdut
sanggup, tapi giliran buat sejahterain anak yatim keberatan. Kalo gitu
kenyataannye, ape kate akherat ? “ tukas pak Somsom.
Kong
Lihun bukan kagak demen, bapak-bapak pada ngeliatin eksistensinya. Die suka,
kok, ngeliat tetangge pada ngungkapin kepeduli an sosialnye. Cuman, kong Lihun
tau persis, ke nape bapak-bapak pada getol eksiyen. Mangkanye yakin, kalo si Markonah, kagak ada di
depan—du duk sejajar sama pengurus yayasan anak yatim, dan lagi sibuk nyatet,
belon tentu omongan ba pak bapak bisa seindah bulan purnama.
Bersambung……….
Belum ada tanggapan untuk "KOMENG DAN MARKONAH 1"
Post a Comment