KOMENG DAN MARKONAH 3

Cerbung

Oleh : Wiarsih Asikin

                                                                     
  TIGA

 

          “Maaf pak erte,” bang Tilep nyang duduk di bagian tengah, langsung angkat tangan dan dengan stil yakin doski angkat pantat dari kursi buat bediri.

            “Kayaknye, saye kagak setuju, deh kalo pake voting,  Soalnye, secare pribadi,  saye malah mau ngusulin dua juta. Kenape? Lantaran, menurut saye, kemampuan saye emang cuman dua juta. Begitu, kira-kira pak erte, terima kasih pada pak erte, juga semue nyang hadir di rapat ini “

            “Usulan nyang kayak gini, nih, nyang baru asyik punya,”  Komeng langsung nanggepin usul bang Tilep, nyang die anggep spektakuler. Hebat. Sangat berwawasan ke depan, sebab kalo semua warga berlomba-lomba nyumbang gede, anak-anak yatim plus orang-orang miskin di lingkungan mereka, kagak bakal ada nyang keleleran.

             Cuman, Komeng sama sekali kagak mer hatiin kalo peserta rapat mulain resah. Usulan bang Tilep bener-bener ngagetin, lantaran dinilai kagak rasional. Kagak punya back ground nyang representative lantaran dua juta perak, tuh, bukan aje dianggap  kegedean.

              Tapi, mesti pake banget. Artinye, kegedean banget. Jadi, warga nyang laen kagak mungkin sanggup kalo diminta ngomong, saye sih, ikhlasnye cuman dua juta. Sayangnye, kagak berani unjuk gigi. Kagak buru-buru nunjuk buat ngajuin protes keberatan. Terlebih, Komeng udeh nerusin omongannye

               “Kenape saye bilang begitu? Lantaran, kalo disetujuin, lagi-lagi, erte kosong tujuh tampil sebagai erte nyang selalu best of the best. Erte nyang warganye paling oke. Paling yahud diantara erte nyang laen, “ tegas Komeng, sembari kakinye nyolek Markonah, nyang asyik nyatet hasil rapat

           Tentu aje Markonah ngerti, kalo die diminta ngomong. Dia nyang langsung tanggep, cepet-cepet ambil mik

           “Bapak-bapak, sebenernye saye mau juga ngomong. Tapi, kayaknye, saye ngeliat ada nyang kepingin banget ngomong. Nah, daripade kasak-kusuk, buat bapak-bapak nyang keliatan nye pengen usul lebih dari dua juta, saye persi lahkan ngomong duluan”

           Markonah, ternyata, perhatiin banget kon disi warga nyang ngikutin rapat. Jadi, die tau per sis, situasi plus kondisi peserta, nyang emang mu lain gerah pasca usulan bang Tilep disampein. Cuman, Markonah malah ngipas ngipasin supaya pada jangan kalah sama usul bang Tilep

           Cuman, meski Markonah,  udeh kasih kesempetan, udeh kasih ulasan singkat nyang ngebangkitin adu gengsi buat beramal, belum ada nyang langsung jadi bensin. Selaen bang Tilep, nyang laen jadi kayak aer, males nyamber.Jadi, belon juga ada nyang semangat angkat tangan buat ngomong.

Bersambung…………..

Tweet

Postingan terkait:

Ditulis Paman Doblank — July 3, 2013 — Add Comment — Fiksi03