Cerbung
Oleh : Wiarsih Asikin
DUA
Cuman, tetep aje Kong Lihun tenang,
senyam senyum sembari klepas klepus, ngisep rokok kreteknye. Ia Asyik
ngikutin jalannye perun dingan nyang disebut musyawarah antara warga erte
kosong tujuh erwe tujuh belas, dengan pengurus yayasan anak yatim piatu Al
Ikhlas, nyang belon lama dibentuk oleh warga Komplek Banjir Itu Indah.
Pertemuan nyang sejatinye digagas ketua erwe tujuh belas, udeh sampe ke jadwal
ngerebut hati donator, nyang berasal dari warga erte koso ng tujuh. Pertemuan,
dikhususin buat ngebahas soal jumlah sumbangan, nyang bakal disanggu pin oleh
masing-masing warga erte kosong tujuh erwe tujuh belas.
“Terus,
supaye asyik, khusus buat erte ko song tujuh, nyang lantas disepakatin, nyang
ma ne, nih? “ Tanya Komeng, anak muda nyang di kepanitiaan ditempatin di bagian
pendidikan dan pembinaan mental.
“ Kalo saye, sih, lebih setuju
nyang gope ceng perbulan. Cuman, kan ,
ada juga usulan nyang laen. Pertama, nyang seratus ribu, nyang kedua, dua ratus
ribu,” kata Komeng lebih lanjut, sembari nge-klik off tip koder kecil, nyang biasa die pake buat
wawancara
Komeng emang mesti ngerekam suara
ha ti warga erte kosong tujuh. Kalo kagak, bakalan dibentak pak Erwe. Soalnye,
beliau sibuk dan ka gak bisa ngikutin rapat. Jadwalnye, bener-bener padet. Tiap
malem ikut road show sama pak Ca mat ke setiap kelurahan dan ke berbagai Erwe.
Nah, Komeng kagak perlu repot
bikin laporan lisan. Die cukup kasih tuh kaset hasil re kaman. Dari kaset entu,
pak Erwe bisa tau, gima ne hasilnye. Cuman, Komeng sendiri punya ren cane. Die
mau nerbitin buletin yayasan. Jadi, mu lai
jalannya rapat kayak ape dan hasil gimene dia mau paparin di buletin nyang
sebulan sekali ba kal die terbitin.
Soal
dana buat biaya cetak, tinggal bebisik ke pak Erwe, pasti beres. Komeng yakin,
pak Erwe kagak bakalan nolak. Sebab, die cukup deket dan tau persis kartu pak
Erwe. Cuman, sampe sekarang, sama sekali kagak berminat buat ngebuka tuh kartu
di depan umum. Soalnye, Komeng bukan tipikal penyebar aib orang.
Buktinye,
kalo kerja, dia kagak pernah bi kin berita nyang faktanye kagak ada. Kalo redak
turnye nyuruh bikin gossip, Komeng pasti nolak. Bisa secare blak-blakan, juga
bisa secara halus. Die paling kagak mau nulis berita nyang pake embel embel,
menurut sumber nyang layak diper caya dan bisa dipertanggung jawabkan.
“Menurut saye,” sela ketua erte kosong tujuh, yang
akhirnye manfaatin hak suaranye.
“Bagusnye, kite voting aje. Jadi,
kite se mua punya kesempetan milih dan bisa nentuin, mane di antara tiga opsi
nyang paling diminatin. Tapi, mesti tetep konsekwen. Kalo yang cepe ceng paling
banyak, nyang punya ide lain kagak boleh sedih “
Bersambung…………
Belum ada tanggapan untuk "KOMENG DAN MARKONAH 2"
Post a Comment