Oleh : Wiarsih Asikin
LIMA
“Formulir ape, nih. Kalo formulir
per nyataan bersedia jadi suami setia, jangan kasih nyang laen, Konah. Buat gue
aje. Sebab, di erte kosong tujuh, nyang resmi ngeduda, cuman gue doang,” bang
Blangsak nyang tadi cuman mingkem, langsung ngeluarin suara nyang bisa aje
diartiin curhat.
“Lu jangan mau enak sendiri tapi
nyusa hin orang laen, dong. Lagian, kasih kesempetan Konah ngomong. Kalo udeh
jelas, baru lu kasih komentar,” pak Soleh protes.
Maklum, die ngerasa teringgung,
lanta ran kalo emang cuman duda nyang punya kesempetan ngerapet ke pelabuhan
hati Marko nah, berarti die kagak diberi kesempetan sama syahbandar asmara buat berlabuh.
Markonah,
buru-buru ambil inisiatif buat ngejinekin suasana nyang mulai kagak enak,
sebab, sudah nyerempet ke soal nyang kagak ada kaitannye sama meteri rapat,
nyang kadang emang ngerepotin, kalo di dalemnye ada unsur-unsur pribadi nyang
nyang besenggolan lang sung sama urusan orang dewasa.
“Bapak-bapak,” Markonah buru-buru
man faatin kesempetan. Die ngeluarin suaranye nyang bak buluh perindu dan
senyum aduhai nyang bi sa bikin bapak-bapak melongo.
“Formulirnye, sama panitia di kasih
judul Siap Nyumbang Anak Yatim. Nah, di sini, bapak bapak tinggal ngisi secara
pribadi. Jangan kata mau dua juta. Sepuluh juta, juga boleh. Tapi, berape aja
nyang bapak-bapak sanggupin, panitia kagak bakalan ngambek. Justeru senang.
Hepi.
Sebab, tiap bulan bisa mastiin,
berape dari erte kosong tujuh semisal rata-rata ada nyang ikhlas dua juta tapi
juga ada nyang malah lebih ikhlas sepuluh juta. Jadi, panitia bisa gampang
notalnye, meski ada juga nyang cuman ikhlas lima juta .
Jadi, formulir ini, ngewakilin keikhlasan
bapak-bapak. Nyang udeh ditulis, kagak bakalan diketahuin orang laen, kecuali
panitia. Sekian dari saye, terus, kalo setuju, saye mau ngebagiin ke
bapak-bapak, satu persatu “
Ternyata, kagak ada nyang nolak.
Semua setuju. Malah, bang Rejeb, nyang baru aje di pecat dari perusahaan,
lantaran waktu diem-diem make duit perusahaan sanggup foya-foya, tapi waktu
ketahuan kagak sanggup ngembaliin, dalem ati langsung bersyukur. Sebab, kalo
ngisi sepuluh ribu perak, kagak diketawain.
Gitu
juga sama bang Poltak. Die juga beryukur, meski cuman bisa dilakuin dalem ati.
Sebab, kalo kagak pake formulir, die pasti bakal tambah susah. Nggak mungkin
mampu. Cuman, mau ngomong selaen kagak enak juga kuatir gengsinye jatoh. Terus,
kalo sejak gengsinye jatoh Markonah nggak mau kasih senyum, hilanglah harapan
untuk parker di hati Markonah.
Kalo setaon lalu, mungkin kagak
masalah. Sebab, waktu entu masih punya jabatan cukup hebat. Manager Pemasaran
sebuah produk canggih, kondom anti soak.
Tapi, lantaran duit setoran kondom nyang
udeh laku dipake buat ngelesin abg, waktu perbuatannye keendus dan diminta
ngembaliin secepetnye, dia cuman bisa bilang ogud kagak sanggup.
Bersambung………….
Belum ada tanggapan untuk "KOMENG DAN MARKONAH 5"
Post a Comment