Oleh : Wiarsih Asikin
EMPAT
“Kalo nggak ada nyang berminat ngajuin usulan nyang lebih spektakuler, yaa,
berarti saye keliru. Artinye, saye kan, perhatiin. Jadi, saye bisa nyimpulin, bapak-bapak sregnye cuma nyang dua juta
doang. Untuk itu, saye mohon maaf. Khusus buat bang Tilep, nyang usulannye
asyik punya, saye ucapin trima kasih banget, lantaran bapak bapak nyang hadir,
kayaknye sepakat banget kalo cuma dua juta “
“Pokonye, permintaan maaf Konah, lang
sung saye maafin. Saye pribadi, kagak tersing gung, kok. Sebab, saye yakin,
warge erte kosong tujuh, termasuk warga nyang mampu. Dibanding sama erte laen,
kite semua di sini, emang jelas beda.
Paling unggul dibanding erte nyang
laen. Cuman, kadang emang, maunye pada nge rendahin ati. Maklum, tiap malem
Jum’at, pak Ustadz Rokimin kagak pernah lupa ngingetin, supaye warga kosong
tujuh, balap-balapan nerapin ilmu padi. Makin hebat makin nunduk. Supaye
tetangga di erte laen, jadi pada kagak kesinggung. Bener begitu, kan , pak Erte ?“
Sebenernye, pak erte nyang kepaksa
nge jawab, mau bilang, gue pribadi kagak setuju kalo cuma dua juta. Juga kagak
bener ape nyang lu sampein. Tapi, lantaran kalo malem minggu pak erte sering
diajak ngayap ke daerah Parung, sering ditraktir dan juga dikasih duit buat
nyawer penyanyi dangdut nyang sebenernye die taksir, die kepaksa ngejawab laen.
“ Yaa, emang begitu. Maksud saye,
lebih kurangnya, kayak nyang baru aje disampein sa ma sodare Tilep,” kata pak ketua
erte kosong tujuh, nyang kagak bisa bekutik, kalo udeh dito dong pendapet, ame
bang Tilep, nyang emang royal kalo sama pribadi pak Erte.
“ Saye boleh ngelanjutin ngomong,
nih?” Tanya Markonah, nyang sebenernye nguasain banget kondisi psikologis
bapak-bapak.
Maklum, begitu statusnye sah : jadi
janda muda, kebanyakan bapak-bapak nyang hadir di rapat, suka ngegodain dan
berusaha keras ngede ketin Markonah. Cuman, meski Markonah gampang banget
ngegelar senyum indahnye, tapi sulit dikuasain. Mau tegur sapa tapi ogah nyapa
dan ngajak mesra-mesraan. Jadi, sebates gaul antara sesame warga se-erwe di
komplek Banjir Indah Permai.
“Eeeh, Konah, kalo ada orang nyang
la rang lu nerusin ngomong, gue rela ngebelain lu sampe titik darah
pengabisan,” pak Somsom langsung berekasi cepet. Maksudnye, sih, nggak laen mau
ngeraih simpati.
“Gue seide sama si Somsom.
Silahkan, deh, lu ngomong,” pak Lempeng kagak mau ngilangin kesempetan.
“ Kalo gitu, saya mesti manfaatin
kesem petan buat ngasih usulan. Jadi, lantaran diperca ye megang duit, saye
cuman mau nerapin ape nyang udeh disepaktin sama beberapa erte nyang udeh
duluan rapat sama panitie.
Jadi, gimane kalo panitie nyang
udeh nyi apin formulir, ngebagiin masing-masing satu, buat bapak-bapak semue ,“
kate Markonah sembari tetep nyemburatin senyum aduhainya, nyang begitu khas dan
bikin nyang hadir makin merasa betah berlama lama dalam rapat
Belum ada tanggapan untuk "KOMENG DAN MARKONAH 4"
Post a Comment