KOMENG DAN MARKONAH
Oleh : Wiarsih Asikin
TIGA
BELAS
Laen halnye sama warga kosong tujuh erwe kosng tujuh belas. Umumnye, cuman
sema ngat sama ambisinye aje nyang pada berlebihan Waktu rapat seolah-olah
paling the best, tapi waktu formulirnye direkap, cuman bang Tilep doang nyang
konsisten. Malah, jumlahnye naek jadi tiga juta.
Nyang
laen? Paling top lima
puluh rebu perak. Bang Som Som nyang ngotot siap nyum bang gope ceng, di
formulir, ikhlasnye cuman jigo ceng. Berarti, gope ceng buat lebih dari setaon.
Malah, pak Soleh sama pak Lempeng, nyang begaya mau seratus sama dua ratus ribu
perak, di kolom tulisan jumlah sumbangan, nyang seudeh Rp 20.000 mestinya cukup
nulis : Dua Puluh Ribu Perak, pake nambah tulisan. Di depannye ngasih kata
cukup di belakang pake nambah kata saja. Bunyi resminye, Cukup Dua puluh ribu
perak saja.
Tapi,
sebenernye, sama sekali kagak masalah. Terlebih, kalo kagak dipermasalahin.
Toh, yang penting, mereka nyumbang. Soal ikhlas bener atawa cuman
ikhlas-ikhlasan, bukan urusan Komeng. Bukan urusan Markonah atau Kong Lihun, nyang
dipengurusan menjabat sebagai pena sehat.Tapi, mutlak urusan masing masing
pribadi sama Sang Khalik.
Sama Sang Pencipta Alam Semesta
ples Isinye. Sama nyang Mematikan dan Menghidup kan . Tuhan Nyang Maha Kuasa, nyang di satu
sisi ngasih rezeki nebarin berkah, di sisi laen, ju ga ngasih azab sama
hambanye nyang ngaku ma u tertaqwa tapi sampe mati cuman jago omong doang
Jadi,
kalo emang ikhlasnye serius, pasti dapet keridhoan Allah. Kalo sebaliknye, yaa,
kagak dapet ape-ape. Cuman, nyang tau semuanye, Allah semate sama masing-masing pribadi nyang die tau dirinya bener ikhlas ape malah kagak ikhlas.
Nyang
penting, meski belon punya ge dung panti asuhan, Komeng udeh bisa mulain ngelaksanain
tugas. Mulain minggu depan, tiap Sabtu sama Minggu, die wajib dateng ke mesjid,
ngajar anak-anak yatim, anak-anak dhuafa, ngaji plus ngebimbing akidah /
akhlak.
“ Jadi, lu mesti siap. Mesti
konsisten, wa jib konsekwen, lantaran lu udeh bersedia jadi pengurus, udeh
bersedia ngelaksanain tugas “
“ Insya Allah, kong. Nyang penting, eng
kong juga konsisten, konsekwen ngawasin, nge bimbing dan ngeritik saye. Biase,
anak muda nyang belon banyak makan asem garem kehidu pan, kan , cetek banget pengalamannye. Jadi,
engkong mesti siap memperdalem pengetahuan dan pengalaman saye ?”
“ Saye juga, kong. Tolong ingetin,
tolong bimbing. Soalnye, tugas saye megang duit. Bia sanye, nyang paling gede
khilafnye, petugas nyang nongkrong di bagian keduitan. Jadi, jang an biarkan
Konah khilaf “
“Kalo soal entu, gue nyang dipercaya
jadi penasehat, wajib bilang : siap ngebantu. Cuman, lu nyang masih mude, mesti
pada tau, orangtue juga belon tentu bener terus dan belum tentu semuanye becus
dikerjain.
Jadi, perlu juga elu bedua rajin ngontrol
sama rajin perhatiin. Pokoknye, kite mesti punya niat saling sinergiin, saling
asah, saling asih ame saling asuh. Kalo bisa begitu, gue yakin, Allah pasti
ngeridoin. Kalo ridho Allah udeh turun dan kita dapetin, Insya Allah, pasti
bisa diriin bangunan lima
tingkat nyang udeh kite rencanain “
Bersambung…….
Belum ada tanggapan untuk "CERITA SAMBUNG (13)"
Post a Comment