KOMENG DAN MARKONAH
Oleh : Wiarsih Asikin
ENAM BELAS
Nyang namanye nyai, nyang udeh
banyak makan asem garem kehidupan biasa sama kehidupan asmara, bukan kagak tau
kalo mereka saling ngeles. Cuman, Nyai ngikutin suasana yang baiknye aje.
“Yaa, kalo gitu, nyai dong nyang
salah nebak,” nyai Minah, kepaksa ngalah, sekaligus nyairin suasana.
“Nyai, mangkanye, laen kali
jangan nye diain saye masakan nyang rasenye begini asoi. Ja di, saye bisa ajak
ngobrol mpok Konah. Kalo makanannye begini terus, jangan kate ngajak ngobrol
mpok Konah. Di suruh wawancarain Ag nes Monica di pantai Kute lengkap sama ngam
bil gambarnye nyang seksi, juga pasti saye tolak.
Aaabis, nyai sih. Mestinye, bikin sop
kam bing, tuh, biasa-biasa aje. Jangan pake bumbu asli buatan nyai, nyang
sedepnye sampe bikin sa ye lupa sama Barack Obama. nyang kagak jadi dateng ke Indonesia
“
Rasenye, kepengeeeen banget, Markonah
ngesun pipi Komeng. Ngesunnye, tentu aje bu kan pake bibir. Tapi, pake tulang iga daging
kambing nyang kagak bisa dimakan
lantaran ka gak wajar kalo di kerauk.
Biar die tau, gimane rasanye kalo tuh
pi pinye nyang montok disambit pake tulang iga sama Markonah, nyang sebel
banget ngedengar omongannye. Mestinye, teratur ke dikit. Jangan asal ngejeblak
kayak gitu.
Tapi, lantaran kagak berani, disamping kagak punya alesan kuat buat nyambit Komeng
nyang sok cuwek, meski dongkol, Markonah kepaksa mesti ngebuktiin, kalo
dirinye, juga bisa “sok berlagak kagak butuh “.
Markonah, jadi tau ape nyang mesti die
per buat. Tau, ape nyang mesti die bilang
“Emangnye, Agnes mau diwawancarain te
rus difoto sama wartawan nyang langsung ping san, begitu duduk di deket artis
cakep. “
“Eeeh, siape bilang si Komeng langsung
pingsan kalo deket sama artis cakep. Buktinye, bekali-kali duduk bedeketan sama
mpok Konah, si Komeng kagak pernah pingsan, tuh !”
Serrr…kali eni, dada Markonah langsung berdesir. Serasa ada setrum nyang ngalir. Jauh
beda sama nyang sebelonnye. Cuman, Markonah belum bisa bilang, nyang berdesir
barusan tuh ape, nyang berdesir sebelonnye, juga ape. Sebab, belon sempet
nganalisa, ape beda dan gimane bi sa bilang beda kalo belon tahu persis ape
alesan nye.
“Soalnye, nyang di sebelah,kan bukan orang cakep,”
Markonah, terpaksa belaga ngeren dah. Die kepengen tau, kayak ape reaksi Komeng
Tapi, nyang duluan ngomong, malah Nyai
Minah.
“Konah..Konah…lu kagak bersyukur kali,
yee. Nyai aje, nyang udeh tua, tau, kalo lu tuh cakep. Moleg,montok. Eee, elu
nyang punya diri, bukan promosi malah ngaku bukan orang cakep”
Ngeliat mereka pada asyik ngobrol , Kong
Lihun cuman bisa senyam senyum. Dia sama sekali kagak mau ikut campur apalagi
kondisinye lagi asyik nyedot rokok kretek kesayangannye
“ Nyai tau kagak, kenape mpok Konah
bisa bisanye bilang begitu ?” Kata Komeng kemudian
“Nggak pede kali kalo die ada di deket
elu” Sahut Nyai Minah yang kagak tau, kalau bukan Cuma Merkonah yang
blingsatan. Komeng juga keliatan kagak enak.
Bersambung……….
Belum ada tanggapan untuk "CERITA SAMBUNG (16)"
Post a Comment